54209272_2103183776432123_4162962906381549568_n

विद्यालयको नाममा जग्गा प्राप्तीका लागि पहल गर्छु–सभामुख महरा

घोराही, २  चैत  । तुलसीपुर स्थित गुरुजजुर नमुना माविले आफ्नो बिद्यालयको विभिन्न समस्याहरु दर्साउदै सभामुख कृष्णबहादुर महरामसमक्ष ज्ञापन पत्र पेश गरेको छ ।

विद्यालयका शिक्षक गोपाल बुढाथोकी  सहीतको टोलिले सभामुख महरालाई शनिवार भेट गरि विद्यालयमा विद्यमान विभिन्न खालका समस्याहरु समाधान गरीदिन माग गरेको हो ।

दाङको तुलसीपुर क्षेत्रको सरकारी स्तरको अब्बल दर्जाको विद्यालय मानिने गुरुजजुर मावि रक्षाचौरमा विद्यालयको जमिन विद्यालयको नाममा नभएको , विद्यालय प्राङ्गणमा हाइटेन्सन, स्तरीय कम्प्युटर ल्याव नभएकाले सबै समस्या समाधानका लागि  पहल गरिदिन अनुरोध गर्दै सभामुख समक्ष अनुरोध गरेका हुन् ।

हाल दाङ जिल्लाको नमुना विद्यालयको रुपमा स्थापित गुरुजजुर नमुना विद्यालय भएपनि विद्यालय भवन रहेको जमिन विद्यालयको नाममा नरहेको र विद्यालयको प्राङ्गणमै विद्युतको हाइटेन्सन भएर नमुना विद्यालयलाई प्रदान गरीएको करौडौ रुपैँयाको बजेटले भौतिक संरचना निर्माण गर्न नपाएकाले बिकराल समस्या उत्पन्न भएको शिक्षक बुढाथोकीको भनाइ थियो जवाफमा सभामुख महराले विद्यालयमा भएका सबै खाले  समस्या समाधानका लागी पहल गर्ने आश्वासन दिए ।

About Kesharman Bc

Leave a Reply

Your email address will not be published. Required fields are marked *

*